Custom Search

Wednesday, September 1, 2010

तिमी

खोज्दै छु म मनको कुना माया तिम्रो थन्क्याउने
सोच्दै छु म शब्दहरू रुप तिम्रो झल्काउने
कुनै शब्द पाउछु कि त तिमीलाई सुहाउने
कुनै भाव भेटाउछु कि तिमी संग जुराउने
सुन्दर छ्यौ खै के भनुँ उति सुन्दर देख्दिन म
मायालु छ्यौ भनुँ भने मनको कुरा बुझ्दिन म
मुहार को कान्ति भित्र बसन्त को सौन्दर्य छ
अधरमा छरिएको मुस्कान भित्र माधुर्य छ
देख्दिन म यौवनको रङ्ग पनि तिमी भित्र
ममताले भरिएको मिठो साथ छ यत्र तत्र

Thursday, August 5, 2010

अन्जानमा माया बस्यो !!!

अन्जानमा माया बस्यो तिमी संग कति कति ?
बिर्सुं भन्दा सम्झनाले सताउदै अति अति !
घुर्क्याए झैं लाग्छ तिम्ले रिसाएनी घरि घरि
फकाए झैं लाग्छ तिम्ले आखाँ तरी हेरे पनि
आँखामा अटाउछ्यौ छातीमा छिप्छ्यौ पनि
एकै बचन माया साटी क्षण भरमै भाग्छ्यौ पनि !

Wednesday, July 7, 2010

एउटा अर्को होला के र ?

.............एउटा अर्को होला के ?

खुसि पनि तिमीनै हौ म कसरी बाँड्न सक्छु ?
मुटुभित्र तिमी बस्छ्यौ म कसरी दुख्न सक्छु ?
स्वप्ना हरु लथालिङ्ग कल्पनामा छरीएसी !
रित्तो बनें माया सबै तिमी तिरै पोखिएसी !
कर्मै देखि ठगिएको धर्म ले पो गर्ला के र ?
धोकैधोका जिन्दगीमा एउटा अर्को होला के र ?

Wednesday, June 30, 2010

रिसाएझैं घुर्की लाउछ्यौ............................

रिसाएझैँ घुर्की लाउछ्यौ मुख अन्तै मोडी मोडी
छड्के नजर धेरै लाउछ्यौ घुम्टो त्यसै ओडी ओडी
छिपाएर माया मिठो घुम्टो ओडी दिएपछि
लुकाएर माया चोखो रिस पोती दिएपछि
देउता बन्न सकिन मनको कुरा बुझ्न सक्ने
हटाएर घुम्टो तिम्रो ति नयनमा लुक्न सक्ने
रहर मैले धेरै गरें तिम्रो सामु पुग्ने भनी
निस्किएन बोली कैल्यै मनको कुरा खुल्ने गरी !!!

Sunday, June 27, 2010

....................भन्न सक्दिन !!!

माया तिम्रो कति लाग्छ भन्न सक्दिन
जोखी नापी जे गरे नि गन्न सक्दिन
मुटु भित्र धड्कन बनी लुक्यो तिम्रो छाँया
तिम्रो यादमा रुन्छु हाँस्छु भन्न सक्दिन
सजाएर तिम्रो तस्विर मन्दिर बनाई पूजेको छु
धुकधुकी मा तिमी बोल्छेऊ भन्न सक्दिन
चाहनालाई बाँधी बाँधी तिमीसंग हाँस्छु बोल्छु
निस्छल मेरो माया भन्न सक्दिन
पोख्न खोज्छु तिम्रो सामु मन भित्रको माया जति
रिसाउछ्यौ कि तिमी भनि भन्न सक्दिन

Monday, June 21, 2010

अजम्बरी माया !!

संधै संधै सपनीमा तिमी आए हुने
बिरानीको प्यास सबै मेटिदिए हुने
कल्पनामा तिम्रै तस्विर सजाई राख्याछु
मन भित्र तिम्रै माया साँची राख्याछु
छेकिदिने क्षितिज पनि आजै फाटे हुने
प्रतिक्षाको लामो यात्रा आजै कटे हुने
तिम्रै खांतिर यो जिन्दगी कुरी बस्या लाग्छ
अजम्बरी माया हाम्रो संगै गांस्या लाग्छ

Saturday, June 19, 2010

पसिनाको भेल बनी.........

तिम्ले सोध्यौ कहाँ बस्छौ आई
मैले भनें जहाँ राख्छ्यौ सजाई
मुटुमा धड्कन बनाएर राख
आखाँमा नानी बनाएर राख
जहाँ जे बनाएर राख्न मन लाग्छ
कलिगढ़ को मुर्ति सजाएर राख
बोलाएउ तिम्ले नानीमा राख्न
छेकिदियो परेलिले
आँशु बनी झरी गएँ
धड्कन बनाउछु भन्यौ
मुटु भित्र राख्न
पगालिएँ यसै उसै
बगाईएँ नसा नसा
बग्दै गएँ नसा नसा
तिमी भित्रै रमी रमी
पोखिएछु यतै कतै पसिनाको भेल बनी

Monday, June 14, 2010

सूर्य मुखी फूल बनी उसै तिर फर्किदियौ !!!

तिमी हास्यौ दिल खोली मन भरि खुसि थियो
शित बनी प्रित झर्यो तनै भरि बर्सिदियौ
तिमी रोयौ दुख्यो मुटु बेदना ले झर्यो आँशु
ओइलाएको मुना जस्तै धर्ति तिरै फर्किदियौ
लजाएझैं लग्यो मलाई लज्जावती सोची रहें
गुलाब जस्तै बैंश भरि पट्ट तिमी फक्रिदियौ
चिन्दै थिए चौतारी त्यो तिमीलाई राख्ने भनी
सूर्य मुखी फूल बनी उसै तिर फर्किदियौ !!!

Wednesday, June 2, 2010

ग़ज़ल


टुलु टुलु हेरी रहें तिमी आउने बाटो कुरी
आयौ पनि तिमी उसै गयौ अनि रोपी छुरी
पर्खेको थें माया लिई फ़ूकाउनलाई तिम्रो सामु
एकै नजर हेरी मार्यौ कलेजीमा रोपी छुरी
अछुत जस्तै बनाई गयौ सिस्नो थेन हातभरी
छोटटिनु त परै जाओस लम्बिदै गो हाम्रो दुरी
यसै उसै थाकेको थें उकाली त्यो चड्दा चड्दै
पहिरो बनी बगाई दियौ देउराली नै लग्यौ पुरी

Sunday, May 30, 2010

तिमी ,फूल अनि जून !!!

न तिम्लाई फूलसंग दांजु
न तिम्लाई जूनसंग दांजु
फूल फुल्छ बोट काँडाले घेरी
जून लुक्छ गगन बादलु पारि
संगै छ्यौ तिमी लुकेर बस्छ्यौ
मुटुको कुनामा
छामेर हेर्छु धड्किदै भाग्छ्यौ
रगत झैं नसामा
न फुल्छ्यौ तिमी फूल झैँ फक्रि
हास्छ्यौ जूनझैं
बनेर बस्यौ अभिन्न तिमी
जीवन धून झैं
त्यो बोलि तिम्रो मधुर लाग्छ
जीवन रङ्ग झैँ
मुस्काउछ्यौ तिमी बसन्त जस्तै
हेर्छु दङ्ग भैं

Tuesday, May 25, 2010

माइली भाउजूको सिंधूर !!!


भर्खर निन्द्रा देवीको काखमा पल्टेको मात्र थिएँ
मिर्मिरे प्रकाशमा लत्पतिएको लाली लिएर
मेरो सर्बांग चुम्दै दौड्छे रोशनी
म लाजले भुतुक्क बनेको हुन्छु ,
ओइलाएको मेरो अनुहार कांपेका मेरा हातगोडा
सोकेश अगाडी लरबराई रहेका हुन्छन
(काँ काँ ............... )
(सुबोल सुबोल..................)
कागको नमिठो अट्टहास संगै फुत्केका मेरा बोलीहरू
बिर्खे दाई हलो काँधमा बोकेर झरीसकेछन
माइली भाउजू डल्लेठाँले डल्ला फोर्दै छिन
(आज मकै नछरी भएको छैन )
ऊनको योजना !
"ड्यांग ............... "
ऐनाको प्रतिबिम्ब लाई गिज्याउदै बसेकी -सुन्तली
झ्यालको पर्दा उघार्दै घुरिरहेको म !
"बा.............. बा !!"
"आमा...................... आमा "
बिर्खेको अबरुद्धता संगै सुन्तलीको हातको ऐना खस्छ
माइली भाउजूको सिन्धूर पुछियो रे .......................

Saturday, May 22, 2010

आज पिउने निर्णय गरें !!

धेरै दिन पछि आज पिउने निर्णय गरें !
एक्लै भए पनि आँफू जिउने निर्णय गरें
तिमीमा हराउदै बाँच्न खोजे तर पाएँ चोटै चोट
त्यहिँ चोट सहेरै आज जिउने निर्णय गरें
तिम्रो अधरका प्याला पिई रम्छु भन्ने गर्थें
बिष भेटें अधरमा तिम्रो नपिउने निर्णय गरें
मेटाउदै प्यास नसाले जिउने निर्णय गरें
सहज तिम्लाई बिर्सन भनी पिउने निर्णय गरें

Thursday, May 20, 2010

सहयात्री !

झुल्के घामको ऐना सरि चम्केऊ तिमी वरि परि !
वसन्तको बहार सरि झुल्येऊ तिमी संधै भरि !
सप्तरंगी इन्द्रेणीका रङ्ग दियेऊ मनै भरि !
लालिगुरांश फूलजस्तै फूल्येऊ तिमी बनै भरि !
मनै भरि तिमी तिमी बनै भरि पनि तिमी !
हाँसो खुसि जे बांडेनी तिम्रै साथ् संधै भरि !

Tuesday, May 18, 2010

हजूर !

मुटुको कुना कुनामा छाया हजुर को !
नसानसा रगतमा माया हजुरको !
चन्चले ति आखा चुलबुले त्यो बानि
कल्पनामै भएपनि मिठो साथ हजुरको!!

Sunday, May 16, 2010

तिम्लाई सजाई दिम्ला !!!

आँखा हेर्दा नजरमा तिमी नाच्न थाल्छेउ
आँखा चिम्ले अधरमा तिम्ले चुम्न थाल्छेउ
मनभरी केवल तिम्रो माया मात्र रह्यो
माछापुच्छ्रे भित्र तिम्रो छाँया मात्र रह्यो
एकान्तमा संधै संधै तिम्रो साथ खोज्छु
बादलको आकृतिले तिम्रो प्यास मेट्छु
चन्द्रमा झैँ मुहार लिई चाँदनी झैँ हास्छेउ
मनमा माया छ कि छैन बाहिर रिस साच्छ्यौ
नदि जस्तै मेरो माया तिम्लाई बहाई दिम्ला
छाडी गए छाती भित्र तिम्लाई सजाई दिम्ला !!!

Saturday, May 15, 2010

अहो भाग्य !!

माया दिनु अभिसाप रे पाउनु अहो भाग्य
दिल दिनु हुदैन रे चोर्नु अहो भाग्य
नदि जस्तै माया पनि तल तिरै बग्छ
मिल्नु थियो एक दिन मिल्यौ अहो भाग्य
हिजो सम्म संगै थियौ आज छुटी गयौ
छुट्नु थियो एक दिन छुट्यौ अहो भाग्य
सम्झना ले संधै भरि सताउने पो थ्यो कि ?
जली सक्यो आत्मा जति बिर्से अहो भाग्य !!!

Monday, May 10, 2010

प्रतीक्षा

एकान्तमा न्यास्रो मानी बिरानीमा भुलिरदा
तिम्रो छाया मुटु भित्र कुनाकानी डुलिरदा
आउन्न भन्छेउ सपनीमा छाती भित्रै लुकी लुकी
परेलीमा बसिदिन्छेउ निदरीलाई ढुकी ढुकी
ओठभरि मुस्कान छरी रोशनी झैं बलिदिन्छेउ
पूर्णिमाको जून सरि तारा विच सजिदिन्छेउ
तिम्लाई भेट्ने दिन खोज्न भित्ते पात्रो केरी राछु
सप्तरंगी माला उनी तिम्रै बाटो हेरी राछु

Wednesday, March 31, 2010

ग़ज़ल

न हातमा फूल लिएँ ,न सजाएँ थाली
कल्पनामै पिटीरहे भावनाको ताली
भाकी भाकी देवी देउता तिम्रो खुसी मागिरहे
इन्द्रेणीको माला ऊनी तिम्रा लागि कुरिरहे
न त आयौ तिमी उडी न त हिंडे मनै पनि
स्वप्ना भित्रै भएपनि रमिरहें दिनै भरि !

Saturday, January 2, 2010

आमा म कपूत पुत्र हूँ !

आमा म कपूत पुत्र हूँ
तिम्रो कोखमा लुटपुटी खेल्दै
तिम्रा फरियाको घुम्टो भित्र लुक्दै
मेरा बितेका बाल्यकाल अब म सम्झना गर्न चाहन्न
किनकि अब म ठुलो भएको छु
तिम्रो कोखको ममतामयी न्यानोमा लुक्ने म
आज तिमि भित्र बासना देख्दै छु
आमा म तिम्रो ममतालाई बलात्कार गरेर कपूत बन्न चाहन्छु
किनकि ?
जुन परिवेशमा तिमीले मलाई जन्माएउ
जुन धरातलमा तिमीले मलाई "ताते ताते " गर्दै हिड्न सिकाएउ ,
त्यो धरातल त कपूत हरुको कर्तुतले भरिएको रहेछ
कपूतहरुको -"बलिदानी "? रगत ले भरिएको रहेछ
तिमीले सिकाएको "लंगडाको देसमा गोडा उचाल्नु !"
भन्ने उक्ति चरितार्थ गर्न आमा म पनि कपूत बन्दैछु
तिम्रो अस्मिता र पवित्रता लाईखुलेआम सडकमा पसल थापेर बेच्ने प्रयास गर्दै छु
बहादुर बुबाको आज्ञाकारी छोरा बनेर
आमा म कपूत बन्दैछु
न मलाई तिम्रो सिन्दूरको मतलब छ
न मलाई मेरो बाबा को पौरख को सम्झना छ
मलाई त एउटा मात्र "स्यालको हुइयाँ" थाहा छ
त्यहिँ हुइयाँ संगै म तिम्रो पवित्रता अनि अस्मिता को व्यापार गर्दै छु
( फेसबुक )