प्रतिक्षा !!!
म मौन छु
यसको मतलव यो होईन कि
म चुपचाप अन्याय सहिरहेको छु ।
पर्दामा बहुला(हरू)को दिवा स्वप्नासंगै
बहु- चारित्रीक बिशेसताका
नौटंकीको नाटक हरू चलिरहेको छन्।
म र मेरो समय
रंगमंचमा बलजफ्ती हुत्याइएका छौं।
पात्र सबै उनै छन्
दृष्य परिवर्तन हुन्छन
तर पनि एकै झैं लाग्छन
कुकुर-कुकुर्नी को भुकाई
स्याल-ब्वासाको छक्का -पन्जा
मुसा-बिरालाको लुकीछिपी
चोरी बेइमानीको खेल ।
सायद ,
पर्दा अड्याउन राखेको डोरी खुस्केछ कि ?
अथवा
मुसो कुना छिरेर पर्दा छिद्र पार्दै छ ।
पर्दा घरि घरि बन्द हुन खोज्छ।
म नाटक समाप्तीको प्रतिक्षामा छु ।