वसन्तत आयो नै भन्छन
पाखा भरी फूलहरू फूलीसके
ऊराठ लाग्दा पहाडहरू विम्व प्रतीक बन्ने होलान
वैँशालू बन्ने होलान खहरेहरू
सारा धर्ती मगमगाउने छ
नयाँ वर्ष आउनै लाग्यो
शुभकामनाका शव्दहरू आदान प्रदान हुने होलान ?
खै ?
कसरी प्रफ़ूल्लित बन्ने नववर्षको खुशी मानी
न देशको कुरा गरुं न परदेशको
न राष्ट्रको कुरा गरुं न राष्ट्रियताको
ब्यथै ब्यथाले ब्याकूल देशवासी
पिडै पिडाले पीडित परदेशी
खै कसको खुसीमा शुभकामना बाँडू ?
खै के को उन्मादमा खुसियाली माँनू?
प्रचलनको रीत आत्मियताको प्रीत
एउटै मनको गीत
शुभकामना शुभकामना शुभकामना !!!
