मान्छे !
दाउराको बण्डल ,माटाको मड्केलो
दाउराको बण्डल ,माटाको मड्केलो
प्रदुषित गगन ,ढलनलले सिंचित करेसावारी
आंधी बेहरीको संगम
वरफ र पानीको सम्मिलन
अनि निर्गन्धा पलासको प्रतिनिधि
लेऊ लागेको उकाली ,
खडेरिमा निर्मित वालुवाको मूर्ति
मुर्दा घोचीरहेको घारो ,
कात्रोले लुकाईएको जीवन्तता
खेती योग्य उर्वर भूमि
अनि हुरिको अपेक्षामा दिशा कुरिरहेको पतझड़
बिश्रृंखलित मोडमा विचलित बादल
प्रत्येक कुटाई पश्चात् सांगीतिक धून दिने मादल
अनि शिशिरमा नाङ्गिएको अस्तित्व
प्रत्येक नजरमै लुटिएका अस्मिताहरू
हावा रुपी आत्मा बोक्ने आशाहरु
अनि पिंजडामा जकडिएका रहरहरु
प्रत्येक मानवका तीता कथाहरू !!!
